Լուրեր
Այս հարցում չեմ ցանկանում շտապողականություն դրսևորել. «Իմ քայլի» պատգամավոր
  • 09:40
  • 2019-08-26
  • Դիտումներ՝ *

Բազմակարծությունը երբեմն լավ է նույնիսկ նույն քաղաքական թիմի ներսում, որովհետև անկախ նրանից, թե ինչպիսի քայլերով ենք առաջ գնում, մեզ համար կարևոր է, որ հասարակության մեջ առկա խնդիրները բարձրաձայնենք ու լուծում տանք։ Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Նազելի Բաղդասարյանը՝ անդրադառնալով փաստին, որ Ամուլսարի հարցում «Իմ քայլը» խմբակցությունում պառակտում կա։

Նրա խոսքով, չի կարելի անտեսել երկրում առկա խնդիրները, և եթե կան օբյեկտիվ կամ սուբյեկտիվ դժգոհություններ, պետք է լսելի դարձնել դրանք. «Ես հասկանում եմ, որ նախկինում, եթե քաղաքական ուժն ունեցել է մեկ սկզբունք, դրան հավատարիմ եղել են բոլորը, բայց կան որոշակի հարցեր, որոնց դեպքում դու ունես սկզբունքային դիրքորոշում և չես կարող մեկ օրում արթնանալ ու փոխել դիրքորոշումդ»,-ասաց նա։
Բաղդասարյանն ընդգծեց, որ այս հարցում չի ցանկանում շտապողականություն դրսևորել, որովհետև և վարչապետը, և կառավարության անդամները փորձում են երկխոսության գնալ և այն ընթացակարգը, որ կա, մեզ թույլ է տալիս սպասել, վաղաժամ հայտարարություններ չանել։ Ինչ վերաբերում է նրան, որ սա կարող է բերել քաղաքական ուժի պառակտման, ես նման մթնոլորտ կամ տրամադրվածություն չեմ զգում»։

  • Դիտումներ՝ *