Հայաստանում անցած շաբաթ մեծ աղմուկ հանած «Աշխարհի վատագույն տնտեսություններ» Forbes հեղինակավոր ամսագրում տպագրված հոդվածի հեղինակ Դենիել Ֆիշերն անդրադարձել է նաև իր բլոգում հրապարակված մեկնաբանություններին:
Peterkara օգտատիրոջ այն դիտարկամը, թե Հայաստանի վիճակն այնքան էլ վատ չէ՝ համեմատած Աֆրիկայի և նույնիսկ Ասիայի որոշ երկրների հետ, և տարօրինակ է Հայաստանին այս ցուցակում տեսնելը, Ֆրեշը պատասխանել է, որ հնարավոր է՝ ընդհանուր առմամբ, Հայաստանը երկրորդ վատագույնը չէ. «Ինչպես ես նշել էի, մենք օգտագործել ենք միայն Արժույթի միջազգային հիմնադրամի կողմից վերջին երեք տարիների երկրների վերաբերյալ ներկայացրած տվյալները: Եվ Հայաստանը լուրջ անկում է ապրել արտագաղթածների կողմից ֆինանսավորվող շինարարական ոլորտի պատճառով։ Այդ իրավիճակը հավանաբար կշտկվի: Կարող եմ խաղադրույք կատարել և ասել, որ նրանք հաջորդ տարի այս ցուցակից դուրս կլինեն»,- գրել է Forbes-ի խմբագիրը:
