Լուրեր
Վայոց ձորի մարզպետը հակահեղափոխական քայլեր է անում․ եղեգնաձորցիները դիմում են վարչապետին

«Մեր ակտիվիստների այսօրվա հավաքի հիմնական նպատակն այն է, որ կառավարությանը և վարչապետին տեղեկացնենք, թե ինչով է զբաղված մեր մարզպետը, և թե ընդհանրապես ինչ է կատարվում Վայոց ձորի մարզպետարանում»,- «Առաջին լրատվական»-ին ասաց մասնագիտությամբ մանկավարժ մեր զրուցակիցը:

Նրա խոսքով՝ մարզպետը և մարզպետարանի որոշ վարչության պետեր հեռացել են իրենց բուն նպատակից, և խաթարվել է մարզի բնականոն ընթացքը. «Երբ տեղի ունեցավ պարոն Փաշինյանի գլխավորած   հեղափոխությունը, մենք կարծեցինք, թե նոր կյանք է սկսվելու մեզ համար, սակայն հեղափոխությունը որևէ կերպ չանդրադարձավ մեր մարզի վրա»:

Նա ընդգծեց՝ մարզպետը հակահեղափոխական գործողություններ է ծավալում՝ դրանով իսկ կասկածի տակ դնելով կառավարության, վարչապետի աշխատանքը. «Եվ այստեղից լուրերը շատ սխալ են ներկայացվում վարչապետին, դրա համար էլ նա չի կարողանում լուծում տալ: Մենք այսօրվա մեր հավաքը կասեցրինք, որպեսզի չհամընկնի Ամուլսարի գործողություններին. մինչև Ամուլսարին հասնելը մեր մարզում գոյություն ունեն արմատական փոփոխություններ կատարելու խնդիրներ»:

 

Առավել մանրամասն՝ տեսանյութում:

  • Դիտումներ՝ *