Եվրամիությունը և Ուկրաինան այսօր գործընկերության և համագործակցության մասին գործող համաձայնագրի արձանագրություն են ստորագրել, որը Ուկրաինային թույլ կտա մասնակցել Եվրամիության զարգացման ներքին ծրագրերին: Փաստաթուղթը, ինչպես հաղորդում են միջազգային գործակալությունները` ստորագրվել է Եվրամիություն-Ուկրաինա գագաթնաժողովի շրջանակներում, որն այսօր տեղի է ունեցել Բրյուսելում:
Ինչպես պարզաբանել է եվրոպական բարձրաստիճան մի աղբյուր, այժմ Ուկրաինան կկարողանա մասնակցել ներեվրոպական ծրագրերին, օրինակ՝ տրանսպորտային կամ Էներգետիկական ենթակառուցվածքի զարգացման ծրագրերին, որոնք ավելի վաղ բաց էին միայն Եվրամիության երկրների և բալկանյան պետությունների թվից պաշտոնական թեկնածու պետությունների համար: «Փաստաթուղթը պարփակ, ընդհանուր բնույթ է կրում, սակայն հիմք է ստեղծում ըստ առանձին ծրագրերի համաձայնագրեր կնքելու համար»,-ընդգծել է աղբյուրը:
