Դերասան և կիթառահար Ջո Փերին պատմել է, որ Hollywood Vampires-ը ծրագրում է Ջոնի Դեփի մասնակցությամբ շրջագայել Եվրոպայով և Մեծ Բիտանիայով՝ ի աջակցություն իրենց վերջին Rise ալբոմի, հաղորդում է Music-News պորտալը:
Դերասանի համար հյուրախաղերը առաջնահերթություն կդառնան այն բանից հետո, երբ նա կավարտվի նկարահանումները Երկրորդ աշխարհամարտի մասին պատմող «Մինամատա» դրամայում և «Բարբարոսների սպասումով» ֆիլմում՝ Ջ.Մ.Կուտզեի նույնանուն վեպի հիման վրա, որը բրիտանացի դատավորի մասին է, որն ապրում է գաղութային քաղաքում և սկսում է կասկածել իր երկրին նվիրվածությանը:
Փերին ընդգծել է, որ Rise-ի երգերի մեծ մասի խոսքերի հեղինակը Դեփն է:
«Մենք հասկացանք, որ Hollywood Vampires-ը կարող է լինել ավելին, քան պարզապես քավեր-խումբ: Ջոնին մեզ ցույց տվեց բանաստեղծությունների գիրքը, որը նա գրել էր երգերի համար»,- ասել է նա:
Նոր ալբոմը գրեթե ամբողջությամբ ստեղծվել է Ջոնի Դեփի ստուդիայում, բացառությամբ Դեյվիդ Բոուիի Heroes կոմպոզիցիայի, որը խումբը ձայնագրել է Բեռլինի Habsa Tonstudio-ում, որտեղ երաժիշտը աշխատել է բնօրինակի վրա:
