Սպիտակ տան ժուռնալիստների ասոցիացիան աջակցել է Playboy ամսագրի լրագրող և CNN-ի քաղաքական իրազեկիչ Բրայան Քարեմին:
Ինչպես լրատվամիջոցներին հայտնի է դարձել Բրայանի Twitter-ից, նա 30 օրով կարող է զրկվել կարևոր արտոնագրից, որը նրան իրավունք էր տալիս այցելել մամուլի համար բաց միջոցառումներին: Նա հաղորդագրություն է ստացել Սպիտակ տան թղթակիցների ասոցիացիայի նախագահ Ջոնաթան Կառլից, որն աջակցել է լրագրողին և հույս հայտնել, որ ամեն դեպքում նա չի զրկվի արտոնագրից:
«Մենք պատրաստ ենք պաշտպանել բոլոր այն լրագրողների իրավունքները, որոնք փորձում են տարբեր հարցերի շուրջ պատասխան ստանալ մեր կառավարությունից: Մենք կարծում ենք, որ յուրաքանչյուրը պետք է իրեն արհեստավարժ դրսևորի Սպիտակ տանը»,- հաղորդել է Կառլը, գրում է ՏԱՍՍ-ը՝ հղում անելով ամերիկյան The Washingthon Post-ին:
Պատճառը, ինչպես տեղեկացրել են Քարեմին, կայանում է նրանում, որ միջոցառման ժամասնակ լրագրողի պահվածքը անընդունելի և կոպիտ է համարվել Դոնալդ Թրամփի հյուրի՝ Սեբաստիան Գորկայի կողմից, որը Միացյալ Նահանգների նախագահի ազգային անվտանգության հարցերով օգնականի տեղակալն է: Թղթակցի և Գորկայի միջև կոնֆլիկտ է տեղի ունեցել: Քարեմն այդ պատճառաբանությունը հիմնավորված չի համարում, քանի որ դեպքի պահից անցել է բավականին շատ ժամանակ (21 օր), և նրանք կարող էին այդ մասին ավելի շուտ խոսել, և ոչ թե բավականին ժամանակ անց նրան զրկեին արտոնագրից:
Playboy-ի լրագրողները պատրաստվում են բողոքարկել Սպիտակ տան մամլո-քարտուղարի որոշումը և վերականգնել Բրայան Քարեմի՝ նախագահի նստավայրի տարածքում գործունեություն իրականացնելու իրավունքը:
