Օգոստոսի 4-ին, Ռումինիայի կրթության նախարարին ազատել են զբաղեցրած պաշտոնից՝ Կարակալեում տեղի ունեցած սպանության վերաբերյալ ոչ բարոյական հայտարարությունների պատճառով: Այս մասին հաղորդել է Ռումինիայի վարչապետ Վիորիկա Դենչիլեն, տեղեկացնում է UNN-ն:
«Ես որոշեցի կրթության նախարարի պաշտոնից ազատել տիկին Եկատերինա Անդրոնեսկուին՝ միանգամայն սխալ հայտարարությունների համար»,- գրել է Դենչիլեն Facebook-ում:
Վարչապետը կարծում է, որ ԿԳ նախարար Անդրոնեսկուի դիրքորոշումը, որը նախկինում հայտարարել էր, որ ճիշը չէ անծանոթի մեքենա նստելը, ցույց է տվել պաշտոնյայի թյուրընկալումը, թե ինչպես պետք է պաշտպանել երեխաներին առևանգումներից և դաժան վերաբերմունքից:
«Կառավարության անդամների ցանկացած նման վրիպում կպատժվի նույն ձևով: Ես հրապարակայնորեն դատապարտում եմ քաղաքական հակառակորդների ցանկացած գործողություն կամ հայտարարություն, որոնք կփորձեն օգուտ քաղել Կարակալեում տեղի ունեցածից»,- հավելել է կառավարության ղեկավարը:
Ինչպես ավելի վաղ հայտնել էր MIGnews.com.ua-ն, ռումինական ոստիկանությունը չի արձագանքել առևանգված աղջկա մի քանի շտապ զանգերին, որն ավելի ուշ սպանվել է: