Թերեզա Մեյը, որը նախօրեին հրաժեշտ տվեց Մեծ Բրիտանիայի վարչապետի պաշտոնին, հնարավոր է նախկին վարչապետ Մարգարետ Թետչերի թեւնոցի տիրուհին է: Հազվագյուտ զարդը նկատել են քաղաքական գործչի ձեռքին հուլիսի 24-ին, երբ Մեյը հրաժեշտ էր տալիս մամուլի ներկայացուցիչներին իր ծառայողական բնակարանի մուտքի մոտ, հաղորդում է Daily Mail-ը.
ԶԼՄ-ները չեն բացառում, որ Թերեզա Մեյն ավելի վաղ գաղտնի կերպով գնել է այդ թեւնոցը: Թեւնոցը ոսկուց է եւ զարդարված է գույնզգույն թանկարժեք քարերով:
Ոսկյա այդ զարդը Մարգարետ Թետչերին նվիրել է ամուսինը՝ Դենիսը: «Երկաթյա լեդին» հաճախ էր կրում այդ զարդը պաշտոնական հանդիպումների ժամանակ: Այսպես Թետչերն այդ զարդը կրել է իր առաջին աշխատանքային օրը՝ 1979 թ-ի մայիսի 3-ին, 1984-ին՝ Միախայիլ Գորբաչովի եւ 1990-ին՝ Նելսոն Մանդելայի հետ հանդիպումների ժամանակ: Սովորաբար թեւնոցի հետ նա կրում էր ամետիստով ոսկյա մատանի:
Ավելի վաղ Christie’s աճուրդում ներկայացվել էին Մարգարետ Թետչերի 170 անձնական իրեր: Աճուրդը նվիրված էր նրա վարչապետության 40 ամյակին: Թեւնոցը վաճառվել էր 40 հազար ֆունտով՝ անանուն գնորդին, իսկ մատանին՝ 30 հազար ֆունտով: