Ավստրիայի դաշնային գրասենյակի նախկին աշխատակիցը հինգ կոշտ սկավառակ է ոչնչացրել՝ երկրի նախկին փոխկանցլեր Հայնց Քրիստիան Շտրախեի հետ կապված սկանդալից հետո, գրում է Falter պարբերականը։ Պարբերականի ձեռքի տակ հայտնվել են Reisswolf ընկերության փաստաթղթերը, որին նա դիմել է՝ ապացույցներից ազատվելու համար։
Նշվում է, որ ինչ-որ մեկն ընկերությանը դիմել է մայիսի կեսերին։ Այցելուն շատ է ցանկացել համոզվել, որ ամբողջ տեղեկությունը ոչնչացված է և անգամ ցանկացել է իր հետ վերցնել կոշտ սկավառակների մնացորդները։
Ընկերությունը չի ստացել գումարը, և աշխատակիցներից մեկը զանգահարել է պատվիրատուի թողած հեռախոսահամարով։ Հայտնի է դարձել, որ այն պատկանում է նախկին կանցլեր Սեբաստյան Կուրցի ենթակայության ներքո գտնվող սոցցանցերի հետ կապված աշխատանքի բաժնի ղեկավարին։