Հոլիվուդյան դերասանուհի Անջելինա Ջոլին հաստատել է Marvel-ի նոր ֆիլմում նկարահանվելու մասին լուրերը: 44-ամյա աստղը հայտնվել է «Հավերժները» ֆիլմի հարթակին Comic Con San Diego փառատոնում իր գործընկերներ Բրայան Թայրի Հենրիի, Ռիչարդ Մադենի և Սալմա Հայեկի հետ, որոնք նույնպես հաստատել են նկարահանումներին իրենց մասնակցությունը:
«Ես այնքան ուրախ եմ այստեղ լինելու համար: Դառնալով Marvel-ի տիեզերքի մասնիկը՝ նշանակում է լինել հավերժ, դա նշանակում է լինել ընտանիք: Մենք բոլորս կարդացել ենք սցենարը և այժմ գիտենք, թե որն է մեր խնդիրը, ուստի մենք պետք է երկար ու համառ աշխատենք»,- բեմից ասել է Ջոլին, որը բավականին երջանիկ տեսք է ունեցել, գրում է TSN-ն: Ասուլիսին դերասանուհին ներկայացել է սև էլեգանտ midi զգեստով և դասական բարձրակրունկներով: Նշվում է, որ ֆիլմում Ջոլին կխաղա Թենաի դերը: Ֆիլմը պատմում է գերմարդկանց ռասայի մասին, որոնք Երկիրը պաշտպանելու են կործանիչներից: «Հավերժները» ֆիլմի պրեմիերան, որի ռեժիսորը չինուհի Քլոե Ջաոն է, նախատեսված է 2020-ի նոյեմբերին: