ԵՄ արտաքին քաղաքականության և անվտանգության հարցերով գերագույն ներկայացուցիչ Քեթրին Էշթոնը նշել է Սիրիայի հակամարտության խաղաղ կարգավորման գործընթացում Ռուսաստանի մասնակցության կարևորությունը:
«Այլ ճանապարհ չկա, քան քաղաքական ճանապարհով խնդրի լուծումը, և այստեղ շատ կարևոր է այդ գործընթացին աջակցությունը: Կարևոր է, որպեսզի Ռուսաստանը շարունակի աջակցել մեր (ԵՄ) ջանքերին»,-նշել է նա՝ ելույթ ունենալով Բրյուսելում:
Էշթոնը համոզված է, որ Ուկրաինայում, չնայած իշխանությունների փոփոխությանը, առկա է ժողովրդավարություն: «Ուկրաինայում դեռ գործում է ժողովրդավարությունը, և այն, ինչպես և տնտեսությունը, աջակցության կարիք ունի»,- ասել է եվրոպական դիվանագիտության ղեկավարը:
Նրա խոսքերով՝ ԵՄ-ն կաջակցի նաև Մոլդովային և Վրաստանին ԵՄ-ին մերձենալու, ժողովրդավարության ամրապնդման և տնտեսական կայունության գործընթացներում՝ գրում է rus.ruvr.ru-ն:
