Ամերիկացի գրող Ջորջ Մարտինը պատմել է իր գրքերում սյուժեի փոփոխությունների գայթակղության մասին, եթե ընթերցողները նախապես տեղեկանան դրանց մասին: Entertainment Weekly-ին տված հարցազրույցում նա բացատրել է, թե ինչու չի պատրաստվում հետևել այդ ցանկությանը:
Մարտինն ասել է, որ «Գահերի խաղը» շարքի ավարտին տրված բացասական արձագանքը, չի ազդի իր աշխատանքի վրա:
«Համացանցը ազդում է այս ամենի վրա ավելի, քան երբևէ: Վերցրեք, օրինակ, Ջոն Սնոուի ծնողներին: Գրքերում ակնարկներ կային, բայց հարյուրից միայն մեկ ընթերցող գուշակեց դա: Մինչև համացանցը դա նորմալ կլիներ, 99 ընթերցողներ հայտնաբերելու էին Ջոն Սնոու իրական ծնողներին, նրանք կասեին. «Օհո, դիպվածաշարի հրաշալի բեկում»: Հիմա մեկ գուշակող կարող է դրա մասին ասել համացանցում, և բոլորը միանգամից կհասկանան», – դժգոհել է Մարտինը:
Գրողը նշել է, որ նման իրավիճակների պատճառով կա ցանկություն փոխելու սյուժեն: «Բայց դա սխալ է: Դուք պլանավորել եք մեկ ավարտ, և եթե դուք փոխեք այն, որովհետև ինչ-որ մեկը գուշակել է այն, կամ ինչ-որ մեկը չի սիրում այն, ապա այն փչացնում է աշխատանքի ամբողջ կառուցվածքը», – ընդգծել է նա:
