Մարտի 25-27-ին Թբիլիսիում հայ, ադրբեջանցի և վրացի երաժիշտները կմասնակցեն Tbilisi BLITZKRIEG Fest միջազգային ռոք-փառատոնին: Այս մասին հաղորդում է RIA Novosti-ն՝ վկայակոչելով փառատոնի կազմակերպիչներին:
Փառատոնին Հայաստանը կներկայացնի Incoma ռոք խումբը, որը կկատարի «Սարի աղջիկ» երգը:
«Առաջին երկու օրը երաժիշտները կպայքարեն Հարավային Կովկասը Wacken Open Air աշխարհում խոշորագույն ռոք-փառատոնին ներկայացնելու համար, որը տեղի կունենա հուլիսի 31-ից օգոստոսի 3-ը՝ Գերմանիայում: Երկրորդ տեղը զբաղեցրած խումբը կմեկնի Underwall Festival միջազգային փառատոնին, որն ամեն տարի անցկացվում է Խորվաթիայում»,- ասել է Tbilisi BLITZKRIEG Fest-ի PR-մենեջեր Սոֆյա Տետրաձեն:
Փառատոնին Վրաստանը կներկայացնեն Northern Lights, Plus Masters, Tanelorn, Scratch the floor, Dismorial, իսկ Ադրբեջանը՝ Live or Leave, Serumhatred, Silence lies fear խմբերը:
