«Բոլոր կոնվենցիաների վավերացումը պետք է ունենա հանրային, ներպառլամենտական լայն քննարկում, դա բնական է ժողովրդավարության տեսանկյունից։ Ինչ վերաբերում է ստամբուլյան կոնվենցիայի վավերացմանը, ապա կարևոր է հասկանալ՝ ինչ գործիքակազմ է տալիս կոնվենցիան ընտանիքներում բռնության դեպքերի կանխման և նման արատավոր երևույթներ թույլ չտալու համար»,- «Առաջին լրատվական»-ի հետ զրույցում, անդրադառնալով Ստամբուլի կոնվենցիային, ասաց ԱԺ «Իմ քայլը» խմբակցութան պատգամավոր Սոս Ավետիսյանը։
Պատգամավորը նշեց, որ կոնվենցիայի շուրջ քննարկումները թեժ են լինելու ոչ թե ելնելով կոնվենցիայի դրույթներից, այլ սա շահարկվող թեմա է այս կամ այն խմբերի կողմից, որպեսզի հասարակությանը նորից բևեռացման բերեն, որպեսզի պայքարը նորից թեժացնեն։
