«Անձամբ ես ՍԴ ճգնաժամ չեմ տեսնում, համաձայն չեմ Վահե Գրիգորյանի առաջ քաշած մեկնաբանության հետ, թեև գտնում եմ, որ նման մեկնաբանություն ևս իրավունք ունի գոյություն ունենալ և դա դիտարկում եմ որպես իրավաբանի մեկնաբանություն։ Իհարկե, քաղաքական կոմպոնենտը մենք այնտեղ տեսնում ենք և մինչև այդ էլ պարոն Գրիգորյանի թեկնածության հետ կապված բարձրաձայնել ենք, որ քաղաքական կոմպոնենտը շատ է նրա թեկնածության բովանդակության մեջ և հիմա էլ դրա տրամաբանական շարունակությունն է»,-«Առաջին լրատվական»-ի հետ զրույցում ասաց ԱԺ ԼՀԿ խմբակցության պատգամավոր Տարոն Սիմոնյանը՝ անդրադառալով Վահե Գրիգորյանի նամակին։
Տարոն Սիմոնյանը նշեց, որ իրենք ցանկացած լուծման պատրաստ են, եթե դա չի հակասում ՀՀ սահմանադրությանը և օրենսդրությանը։
