Արդեն 2 օր է, ինչ Արցախում գտնվող Գանձասարի վանական համալիրը (13-րդ դար) շրջապատող պարսպի սալիկապատում է տեղի ունենում:
Աղմկահարույց լուսանկարների հայտնվելու առաջին իսկ օրը մամուլում պարզաբանումներով հանդես եկավ ԼՂՀ կառավարությանն առընթեր զբոսաշրջության վարչության հուշարձանների պահպանության և ուսումնասիրման վարչության պետ Սլավա Սարգսյանը: Ըստ նրա՝ հնադարյան պարսպի երեսպատման գաղափարը պատկանել է մոսկվաբնակ հայազգի գործարար Լևոն Հայրապետյանին:
Այսօր մենք վերը նշված դեպքի շուրջ փորձեցինք պարզաբանում ստանալ Արցախի թեմի առաջնորդ Պարգև արքեպիսկոպոս Մարտիրոսյանից: Նա նշեց, որ այս պահին իրենք հաղորդագրություն են պատրաստում, որտեղ կլինի բոլոր հետաքրքրող հարցերի սպառիչ պատասխանը: Իսկ այս պահին ոչինչ չի կարող ասել: Մեր այն հարցին, ե՞րբ կտարածվի հաղորդագրությունը՝ պատասխանեց. «Ես կարծում եմ, որ վաղը»:
