РИА Новости-ին, վկայակոչելով Reuters-ին, հատնում է, որ ՄԱԿ-ի գլխավոր քարտուղար Բան Կի Մունը բարձր է գնահատել Ժնևում կիպրական խնդրի կարգավորման ուղղությամբ կիպրոսի հունական ու թուրքական հատվածների առաջնորդների միջև կայացած բանակցությունները.
«Ես կարող եմ հուսալ, որ մինչ հոկտեմբեր երկու առաջնորդները կգտնեն բոլոր առանցքային հարցերի շուրջ մերձեցման կետը, և որ այդ ամսին մենք կհանդիպենք Նյու Յորքում»։
Նշվում է, որ ժնևյան բանակցություններին հունական կողմից մասնակցել է Դիմիտրիս Խրիստոֆիասը, իսկ թուրքական կողմից՝ Դերվիշ Էրօղլուն։ Այն բանից հետո, ինչ 2008 թվականին մենարկեցին միացյալ դաշնային կառավարության ստեղծման մասին ՄԱԿ-ի հովանու ներքո անցկացվող բանակցությունները, Կիպրոսի երկու հատվածների ղեկավարները հանդիպել են ավելի քան 90 անգամ։
Հիշեցնենք, որ կիպրական խնդիրը շարունակում է չլուծված մնալ 1974 թվականից, երբ այնտեղ ներխուժեցին թուրքական զորքերն ու գրավեցին Կիպրոսի տարածքի 37 տոկոսը (3355 քառակուսի կիլոմետր), ինչը թուրքական կողմն անվանում է «Խաղաղության շարժում»:
