Թուրքիայի պաշտպանության նախարար Հուլուսի Աքարը 2016թ. հուլիսի 15-ի ռազմական հեղաշրջման փորձի կազմակերպիչներին անվանել է դավաճաններ:
«Այդ դավաճանները թուրքական արդարադատության առջև իրենց արժանի պատիժը ստացան»,-նշել է Աքարը:
Աքարը, հիշեցնելով հեղաշրջման փորձի ձախողումից անմիջապես հետո հաջողությամբ իրականացված «Եփրատի վահան» և «Ձիթենու ճյուղ» գործողությունների մասին, ասել է, որ Իդլիբում մարդկային աղետից խուսափելու համար Թուրքիայի զինված ուժերը Աստանայի գործընթացի և Սոչիի պայմանավորվածության շրջանակներում կատարում են և շարունակելու են կատարել իրենց վրա դրված պարտականությունները:
Անկարայի Ծանր Հանցագործությունների 17-րդ դատարանը հրապարակել է 2016թ. հուլիսի 15-ի ռազմական հեղաշրջման փորձի ժամանակ Թուրքիայի Գլխավոր Շտաբում տեղի ունեցած գործողությունների հետ առնչվող «Խաղաղություն տանը» կոմիտեի անդամների պատժի վերաբերյալ որոշումը, համաձայն որի՝ հեղաշրջման գլխավոր կազմակերպիչ, ռազմաօդային ուժերի նախկին հրամանատար Աքըն Օզթուրքը վերոնշյալ կոմիտեի անդամ 17 կասկածյալի հետ միասին դատապարտվել է ցմահ ազատազրկման:
