Այսօր՝ հունիսի 21-ին, հրավիրվել է Ազգային ժողովի արտահերթ նիստ: Այժմ քննարկվում է Բարձրագույն դատական խորհրդի անդամի ընտրության հարցը: «Իմ քայլը» խմբակցությունը ԲԴԽ անդամի թեկնածու է առաջադրել Վիգեն Քոչարյանին:
«Լուսավոր Հայաստանը» տարածել է դատավորների վեթինգի իրականացման սկզբունքներ, որի վրա աշխատել են վերջին 2 շաբաթվա ընթացքում՝ տեղեկացրեց «Լուսավոր Հայաստան» խմբակցության ղեկավար Էդմոն Մարուքյանը: Նա ընդգծեց. «Կոնսենսուսով պետք է տանենք պրոցեսը, որ ունքը ուղղելու փոխարեն՝ աչքն էլ չհանենք»:
Ինչ վերաբերում է ԲԴԽ-ին, Էդմոն Մարուքյանն ասաց. «Եթե ԲԴԽ-ն իրականացնի վեթինգ, ապա հանգելու ենք սահմանադրական փոփոխությունների: Հույս ունենք, որ կկարողանանք համագործակցել վեթինգի իրականացման շուրջ»:
«Լուսավոր Հայաստան» խմբակցության ղեկավարը տեղեկացրեց նաև, որ մոտ օրերս իրենք կներկայացնեն ԲԴԽ անդամի իրենց թեկնածուին. «Հույս ունենք, որ դա հաշվի կառնվի մյուս թափուր տեղի համար»:
Մանրամասները՝ տեսանյութում:
