Այսօր՝ հունիսի 20-ին, շարունակվում է Ազգային ժողովի նիստը. Այժմ շարունակվում է 2018 թվականի պետական բյուջեի կատարման մասին տարեկան հաշվետվության քննարկումը:
Վարչապետ Նիկոլ Փաշինյանը խոսելով մարտահրավերների մասին՝ նշեց. «Ինֆորմացիոն տեղեկատվության մեջ վերնագրերը նայելիս ինձ թվում է՝ վարչապետի պատուհանից եթե դուրս նայեմ, այնտեղ տարբեր ուղղություններով փախնող տարերային խմբեր եմ տեսնելու: «Կործանվեց: Փլվեց: Վերջակետեր: Հիմա ազնիվ մեր ցեղը կորչելու է զուր տեղը»: Այս մեկ տարվա ընթացքում՝ անընդհատ վերջակետեր: Սա պատերազմ է: Եկեք կարդանք վերնագրերը և դուրս գանք փողոցներ, գնանք գյուղեր»:
Նրա խոսքով, իհարկե, պրոբլեմներ կան. «20 տարուց ավելի ՀՀ-ում գործել է մի իշխանություն, որը ժողովրդին ասել է՝ սոված ես, առ քեզ բրինձ, բայց իմացիր՝ դու ոչ մի բան ես, չունես քաղաքացիության ինքնություն, ընդամենը մեզ սպասարկելու ես: Իսկ մենք ամեն քաղաքացու ասում ենք՝ դու պոտենցիալ հանճար ես, և մեր դերն է ոչ թե քեզ մեր թալանածի փշրանքները շպրտելը, այլ մեր դերն է քեզ հավատ ներշնչել քո ուժերի նկատմամբ»:
Վարչապետը նշեց, որ կառավարության ամենաուժեղ մարտահրավերը պետբյուջեի կապիտալ ծախսային մասի թերակատարումն է. «Այս փուլը կարելի է անվանել ատկատներով աշխատող ընկերությունների դեմ պայքարի փուլ: Հայաստանում չկան այնպիսի հզոր ընկերություններ, որոնք կկարողանան իրականացնել իրոք մասշտաբային կապիտալ ծախսեր»:
Մանրամասները՝ տեսանյութում:
