Իրանը և Ռուսաստանը քննարկում են նոր համատեղ նախագծեր նավթի-գազի ճյուղում և էլեկտրաէներգետիկայի բնագավառում, ըստ որում Իրանը շահագրգռված է իր տարածքում ջերմային և հիդրոէլեկտրակայանների կառուցման ավարտման և արդիականացման նախագծերին Ռուսաստանի ընկերությունների մասնակցության հարցում: Հունիսի 18-ին այդ մասին հայտնել է ՌԴ Էներգետիկայի նախարար Ալեքսանդր Նովակը «Ռոսիա-24» հեռուստաալիքին տված հարցազրույցում՝ նշելով, որ ռուս-իրանական էներգետիկական նախագծերը մնում են հիմնական ուղղություններից մեկը ՌԴ-ի ներդրումների համար՝ տեղեկացնում է TASS-ը:
«Քննարկվում են մի քանի նախագծեր. դրանք թե՛ նավթի-գազի ճյուղն է և թե՛ համատեղ նախագծերն էլեկտրաէներգետիկայի բնագավառում: Իրանը շահագրգռված է ջերմային էլեկտրակայանների արդիականացման, հիդրոէլեկտրակայանների կառուցման ավարտման հարցում. շատ շատ նախագծեր կան այդ ճյուղում, և Ռուսաստանի ընկերությունները պատրաստ են մասնակցելու»,- ասել է նա:
Բացի դրանից, Նովակը նշել է երկրների միջև հարաբերությունների ակտիվ զարգացումը տրանսպորտի, արդյունաբերության և դեղագործության ոլորտում:
