Կարծում եմ՝ հայ-ռուսական հարաբերություններում բացասական զարգացումներ չեն լինի․ Ռուբեն Ռուբինյան

«Կա փաստ և կա այդ փաստին արձագանք իմ կողմից և Արարատ Միզոյանի կողմից, կա ԱԳՆ-ում տեղի ունեցած զրույցի փաստ: Սա է ամբողջ իրավիճակը, և ես կարծում եմ, որ այսքանով թեման փակված է»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր, ԱԺ արտաքին հարցերի մշտական հանձնաժողովի նախագահ Ռուբեն Ռուբինյանը: Պատգամավորը նշեց, որ իշխանության համար շատ կարևոր են Ռուսաստանի հետ հարաբերությունները.«Մենք արել և անում ենք ամեն ինչ, որ այդ բարեկամությանը ոչինչ չսպառնա»,-հավելեց նա: