Սպանված զինվորների մայրերը պահանջում են

Այսօր Կառավարության շենքի մոտ նորից բողոքի ակցիա էր կազմակերպվել։ Սպանված զինվորների մայրերը շարունակում են կառավարության անդամներին ներկայացնել իրենց պահանջը՝ հետաքննություն անցկացնել և պատժել իրենց որդիների սպանության մեղավորներին։

Հավաքված էին նաև կենտրոնի այն բնակիչները, ում սեփականության իրավունքը այդպես էլ չի վերականգնվում։ Հերթական անգամ թոշակ ստանալու համար պայքարում են թոշակառու օդաչուները։ Այս բոլորին ասյօր միացել էին ևս մի քանիսը։ Սահակյան Ռիման բողոքում է Մեսրոպ Մակոյանի սպանության գործով 4 հոգու ազատարզկելու համար։ Ըստ Սահակյանի՝ 6 տարի բանտում անցկացնող տղաները առաջին և վերաքննիչ դատարանների կողմից անմեղ են ճանաչվել, և դատվել են առանց ապացույցի քրեական դատարանի կողմից։

Կառավարության շենքի մոտ բողոքի ակցիա են կազմակերպել նաև «Արմենիա» հիվանդանոցի մի քանի բուժքույրներ։ Նրանք բողոքում են, որ գլխավոր բժիշկ Գրիգոր Գրիգորյանը իրենց ազատել է աշխատանքից՝ աշխատավարձը պահանջելու պատճառով։