Ղրիմում այսօր լռության օր է: Մարտի 16-ին թերակղզում կկայանա տարածաշրջանի կարգավիճակի մասին հանրաքվեն, որի արդյունքներով Ղրիմն ու Սևաստոպոլը կարող են մտնել Ռուսաստանի կազմ: Այս մասին հայտնում է RIA Novosti-ն:
Ղրիմի ղեկավարությունը սպասում է, որ մասնակցությունը կգերազանցի 80 տոկոսը: Վերջին հարցումների արդյունքներով՝ Ռուսաստանի կազմի մեջ որպես սուբյեկտ մտնելուն կողմ է թերակղզու բնակիչների ավելի քան 90 տոկոսը: Հարցմանը մասնակցել է ավելի քան 500 մարդ: Այն անցկացրել է հասարակական կարծիքի ուսումնասիրման ոչ կոմերցիոն քաղաքացիական ՍՐԵԶ նախաձեռնությունը:
1205 ընտրատեղամասերը կբացվեն առավոտյան ժամը 08.00-ին և կփակվեն 20.00-ին:
Հանրաքվեի ընթացքին կհետևեն 70 միջազգային դիտորդներ՝ 23 երկրներից:
Ինքնավարության իշխանությունները պատրաստ են Կիևի կողմից այդ օրը էլեկտրաէներգիայի անջատման: Ղրիմի վարչապետ Սերգեյ Ակսյոնովի խոսքով՝ իրենք 900 էլեկտրագեներատոր են գնել:
