Ֆրանսիական դատարանների վճիռներով չեղարկվում են Ֆրանսիայի տարբեր քաղաքների և Արցախի բնակավայրերի միջև կնքված «Բարեկամության մասին» հուշագրերը։ Հայաստանում Ֆրանսիայի դեսպանատունը չի մեկնաբանում տեղի ունեցող զարգացումները։ Պատճառները ձեզ համար պա՞րզ են «Առաջին լրատվական»-ի հարցին քաղաքագետ Թևան Պողոսյանը պատասխանեց․ «Նույնիսկ Ադրբեջանի նախկին արտգործնախարարն է բացահայտ ասել, որ չորս տարուց ավելի Ադրբեջանը հզոր լոբբինգի մեխանիզմներ և մեծ ֆինանսական ռեսուրսներ օգտագործելով կարողացել է հասնել նրան, որ իրավական դաշտում այդ համագործակցությունը փորձի ներկայացնել այնպես, որ դրանք հումանիտարից հետագայում վերածվելու է քաղաքական կոնտեքստի։ Ֆրանսիական դատարաններն այդ իրավական դաշտի մեջ ունեն հնարավորություն, որպեսզի տեղական ինքնակառավարման մակարդակի վրա կնքված այդպիսի պայմանագրերը չեղարկեն։ Չնայած դրան, մի քանի քաղաքներ կան, որոնք ասել են, որ այդ որոշումները որևէ նշանակություն չեն ունենալու և նրանք կշարունակեն այդ համագործակցությունը»։
«Մենք պետք է հասկանանք, որ Ադրբեջանը նմանատիպ գործընթացներ փորձելու է իրականացնել շատ տեղերում։ Ֆրանսիայի օրինակը պետք է դաս լինի Հայաստանի համար։ Մենք ունենք մեծ աշխատանք՝ թույլ չտալ կամ կանգնեցնել այդ գործընթացը։ Դրա հետ մեկտեղ մենք մի բան պետք է գիտակցենք, որ այսօրվա տեղեկատվական պատերազմի ժամանակահատվածում պետք է պատրաստ լինենք՝ Ադրբեջանի կողմից ինչ էլ որ ներկայացվի, չազդի ոչ մեր հանրության, ոչ էլ մեր նպատակների վրա։ Մենք շարունակելու ենք աշխատանքն ինչպես այստեղ լրատվական դաշտում, այնպես էլ Սփյուռքի հետ։ Վստահ եմ, որ մի օր մենք նույնիսկ իրավական դաշտում այդ հուշագրերի վերականգնմանը»,- հավելեց Թևան Պողոսյանը։
Մանրամասները՝ տեսանյութում։
