Կինոռեժիսոր Ֆրենսիս Ֆորդ Կոպոլան կստանա Լյումիեր եղբայրների անվան կինոփառատոնի մրցանակը, որն անցկացվելու է հոկտեմբերի 12-ից մինչև 20-ը Լիոնում՝ տեղեկացնում է TASS-ը:
«Ֆրենսիս Ֆորդ Կոպոլան հաճախ է ասում, որ իրեն այլևս հարկավոր չեն մրցանակներ, բայց այս անգամ նա թույլ տվեց իրեն համոզել»,-նշել է դասական կինոյի աշխարհում խոշորագույն համաժողովի տնօրեն Թիերի Ֆրեմոն: Միջոցառման հարթակներում կազմակերպվելու են 80-ամյա ռեժիսորի վերականգնված մի քանի կինոնկարներ: Հոկտեմբերի 19-ի երեկոն նվիրված կլինի բացառապես «Կնքահայրը» եռերգության կինոնկարներին:
Բացի այդ, կկայանան առանձին միջոցառումներ՝ նվիրված ֆրանսիացի դերասան Դանիել Օտեյի, ռուսական ծագում ունեցող դերասանուհու և Վլադիմիր Վիսոցկու (1938-1980 թթ.) վերջին կնոջ՝ Մարինա Վլադիի, Կաննի 72-րդ կինոփառատոնի հաղթող Պոն Չժուն Հոյի և բրիտանացի կինոռեժիսոր Քեն Լոուչի ստեղծագործությանը: Բացի այդ, պլանավորված է 1930-ական թվականների հոլիվուդյան համր ֆիլմերի ցուցադրությունը:
Լյումիեր եղբայրների անվան կինոստուգատեսն ամեն տարի աշնանն անցկացվում է Ֆրանսիայի Լիոն քաղաքում՝ կինեմատոգրաֆի գյուտարարներ Լուի և Օգյուստ Լյումիերների հայրենիքում:
