ԱՄՆ-ի Կոնգրեսի ներկայացուցիչների պալատը կողմ է քվեարկել Թուրքիայի դեմ պատժամիջոցներ սահմանող օրինագծին, գրում է Daily Mail-ը։ Պատճառը ռուսական S-400 զենիթահրթիռային համալիրների ձեռքբերումն է։
«Մտահոգություններ՝ ԱՄՆ-Թուրքիա դաշինքի վերաբերյալ» խորագրով փաստաթուղթն ընդունվել է միաձայն։ Դրա համաձայն՝ CAATSA («Պատժամիջոցներով Ամերիկայի հակառակորդներին հակազդելու մասին») օրենքի շրջանակում պատժամիջոցններ կկիրառվեն Թուրքիայի դեմ, եթե վերջինը չհրաժարվի S-400-ներից։ Նույն օրինագծի շրջանակում առաջարկվում է նաև վերանայել ՆԱՏՕ-ին Անկարայի անդամակցությունը։
Նշենք, որ Թուրքիայի ԱԳ նախարարությունն օրինագիծը «սպառնալիքների լեզու» է որակել, որը հակասում է Անկարա-Վաշինգտոն «բարեկամական հարաբերություններին»։