Լուրեր
Ինչ-որ մի խումբ պատերազմ է հայտարարել ժողովրդին. իշխող ուժի պարտականությունն է «խեղդել սամասուդը»

Վերջին օրերին ԱԺ խմբակցությունները ներկայացնող պատգամավորների մասնակցությամբ մի քանի առանցքային իրադարձություններ, այդ իրադարձությունների տրամաբանության և Հայաստանի վրա դրանց ազդեցության շուրջ «Առաջին լրատվական»-ի հետ քննարկմանը մասնակցեցին «Իմ քայլը» խմբակցության պատգամավոր Գայանե Աբրահամյանը, «Լուսավոր Հայաստան» խմբակցության պատգամավոր Հարություն Բաբայանը և  ԲՀԿ խմբակցության պատգամավոր Սերգեյ Բագրատյանը:

Այս օրերին վերլուծական բառապաշարում ամենաշատ գործածվող հասկացությունը հիբրիդային պատերազմն է Հայաստանի դեմ: «Հիբրիդային պատերազմը բազմաշերտ է… Հիմնական խնդիրը, որ կարող եմ նշել, դա բռնության քարոզն է և բռնության քաղաքական լեգիտիմացումը, այսինքն՝ քաղաքական կամ ներհասարակական խնդիրներ լուծելիս բռնությունը որպես մեթոդ կիրառելու հարցն է, որ նպատակ ունի տանելու քաղաքացիական պատերազմի,- նշեց Գ. Աբրահամյանը:- Դա պետք էր հենց սկզբից կանխել: Փոքր խումբը դուրս է եկել ժողովրդի դեմ, ըստ էության՝ պատերազմ է հայտարարվել պետության՝ ժողովրդի քաղաքական կարգավիճակի դեմ»:

«Մենք ի սկզբանե մերժել ենք բռնությունը և հաշվեհարդարը՝ որպես խնդիրների լուծման մեխանիզմ: Բարեփոխման մեխանիզմը թավիշն էր, թավիշը տվեց ինքնամաքրվելու հնարավորություն, բայց չօգտվեցին: Այժմ Սահմանադրության և իրավունքի գերակայության բոլոր հնարավոր միջոցներով անցնելու ենք արմատական գործողությունների»,- նշեց «Իմ քայլ»-ի պատգամավորը:

«Իշխանափոխությունից հետո որևէ երկրում հնարավոր չէ, որ այլ կենտրոններ չազդեն իրադարձություներրի վրա այն պարզ պատճառով, որ բացարձակ անկախ երկիր չկա: Ենթադրում եմ, որ Հայաստանը նույնպես զերծ չէ արտաքին ազդեցությունից»,- նշեց Ս. Բագրատյանը:

«Մարդիկ կան, որոնք փոփոխությունների հետ չեն հաշտվում, քանի որ նրանց համար շահեկան չեն այս փոփոխությունները կամ սովորույթի ուժին դեմ գնացող իրավիճակ է»,- նշեց Հ. Բաբայանը՝ հավելելով, որ նոր իրողությունները նոր խնդիրներ են առաջացնում:

Գ. Աբրահամյանի դիտարկմամբ, կա մի խումբ, որն ամեն ինչ անում են, որ իշխանությունը գնա ոչ այնքան իր արժեքներից բխող քայլերի. «Հստակ տեսնում եմ սադրանքը, որպեսզի դիմացինը գնա հաշվեհարդարի, որպեսզի գնա «սամասուդի» մեխանիզմը կիրառելու. իշխանության պարտականությունն է և լիազորությունն է կանխել սա»:

Մանրամասն՝ տեսանյութում:

 

 

Մանրամասն՝ տեսանյութում:

  • Դիտումներ՝ *