Կինոռեժիսոր ու սցենարիստ Ստանիսլավ Գովորուխինը պատրաստվում է ֆիլմ նկարահանել Սերգեյ Դովլաթովի «Կոմպրոմիս» նովելների հավաքածուի մոտիվներով: Ֆիլմի աշխատանքային անվանումն է «Հրաշալի դարաշրջանի ավարտ»:
Ֆիլմի ստեղծմանը կմասնակցեն պրոդյուսեր Եկատերինա Մասկինան ու նկարիչ Վալենտին Գիդուլյանովը, որոնք Գովորուխինի հետ աշխատել են «Օրհնեցեք կնոջը» (2003), «Արտիստուհին» (2007), «Jazz ոճում» (2010) և «Weekend» (2013) ֆիլմերում:
Ֆիլմի նկարահանումները կսկսվեն 2014թ. մարտին: Ֆիլմը ծրագրվում է վարձույթ հանձնել 2015-ի մարտին:
