Հարավկորեացիների կեսից ավելին իր տնտեսական շահերն ավելի կարևոր է համարում, քան Կորեաների միավորվելը: Այդ մասին վկայում են այն հետազոտության արդյունքները, որը Կորեայի առողջապահության և սոցիալական խնդիրների ինստիտուտի կողմից անցկացվել է 3,9 հազար քաղաքացիների շրջանում: Այդ մասին հայտնել Է KBS հեռուստաալիքը:
Հարցման մասնակիցների գրեթե 56 տոկոսը հայտարարել է ներկայում ԿԺԴՀ-ի հետ միասնական պետություն ստեղծելու անհրաժեշտության բացակայության մասին: Հարցվածների ևս 16 տոկոսն այն կարծիքին է, որ Հարավի և Հյուսիսի միավորվելն սկզբունքորեն հարկավոր չէ:
Հարցման մասնակիցների միայն 17 տոկոսն է միավորումը համարել անհրաժեշտություն և պատրաստակամություն հայտնել հանուն դրա գնալ սեփական եկամուտների նվազման:
Հարավկորեացի վերլուծաբանների հաշվարկների համաձայն, Սեուլի հովանու ներքո Կորեական թերակղզու վերամիավորվելը Հարավի վրա կնստի 1-ից մինչև 3 տրիլիոն դոլար գումար, ինչն անխուսափելիորեն կհանգեցնի կենսամակարդակի անկման: Միևնույն ժամանակ հետազոտության հեղինակները նշում են նաև վերամիավորման մի շարք դրական կողմեր: Մասնավորապես, Սեուլի համար այդպիսիք կարող են դառնալ լրացուցիչ միջոցների ազատվելը Հյուսիսային Կորեայի ապառազմականացումից, նոր շուկաների բացումը, ինչպես նաև ԿԺԴՀ-ի ոչ թանկ հողի և Էժան աշխատանքային ռեսուրսների հասանելիությունը:
