Վրաստանի նախկին նախագահ, Օդեսայի շրջանային պետական վարչության նախկին պետ Միխայիլ Սահակաշվիլին շփոթել է մայրաքաղաքի քաղաքապետարանի դռները՝ Վիտալի Կլիչկոյի հետ հանդիպման շտապելիս: Համապատասխան տեսահոլովակը հրապարակել է լրագրող Ջուլիա Կռապիվինան Facebook-ի իր էջում:
Սահակաշվիլին փորձել է մայրաքաղաքի քաղաքապետարան մտնել հետնամուտքից: Նշվում է, որ միջադեպը տեղի է ունեցել երեքշաբթի, հունիսի 4-ին:
Նշվում է, որ որոշակի օրերի քաղաքապետարան հնարավոր է մտնել կողային մուտքից:
Նախօրեին հաղորդվել է, որ Կլիչկոն Սահակաշվիլիին առաջարկել է գլխավորել «ՈՒԴԱՌ» կուսակցությունը, որը կմասնակցի Գերագույն ռադայի արտահերթ ընտրություններին:
Մայիսի 28-ին նախագահ Վլադիմիր Զելենսկին վերադարձրել է Սահակաշվիլու Ուկրաինայի քաղաքացիությունը, որից նա զրկվել էր 2017-ին: Նաև հաղորդվել է, որ Սահակաշվիլիի «Նոր ուժերի շարժում» կուսակցությունը կմասնակցի Ուկրաինայում կայանալիք արտահերթ խորհրդարանական ընտրություններին:
