ԵԱՀԿ երկրների ռազմական դիտորդների խումբն այցելել է Դոնեցկ: Այս մասին հայտնում է կազմակերպության մամլո ծառայությունը: «ԵԱՀԿ երկրների չզինված զինվորական և քաղաքացիական անձանցից կազմված թիմը ներկայումս գտնվում է Դոնեցկում»,- ասվում է հայտարարությունում:
Երեկ Ուկրաինան հրավեր էր ուղարկել ԵԱՀԿ անդամ պետություններին՝ երկրում ռազմական դիտորդների առաքելությունը երկարացնելու և հարավային ու արևելյան տարածաշրջաններ այցելելու խնդրանքով: Ծրագրվում է, որ այդ այցը կտևի մինչ մարտի 16-ը: Դրան արդեն պատասխանել է ավելի քան 26 երկիր՝ գործուղելով 44 մարդու:
Կիևը մարտի 5-12-ի համար հրավեր էր ուղարկել կազմակերպության երկրներին: Այդ ժամանակ արձագանքել էր 30 երկիր՝ որոշելով գործուղել մոտ 60 ռազմական մասնագետի: Սակայն նրանց չեն թողել Ղրիմի հանրապետության տարածք:
Նման հայցի ուղարկման հիմք է ծառայել Վիեննայի փաստաթղթի դրույթը (2011թ.) վստահության և անվտանգության ամրապնդման միջոցառումների մասին (յուրաքանչյուրը կարող է ուղարկել 2 դիտորդից ոչ ավելի):
