Հայիթիի մոտ 1.6 հազար բնակիչներ երեքշաբթի ՄԱԿ-ի դեմ ներկայացրել են խմբակային հայց՝ երկրում 2010թ. խոլերայի համաճարակի հետևանքով հազարավոր բնակիչների մահվան կապակցությամբ: Այս մասին հայտնում է RIA Novosti-ն՝ հղում անելով լատինաամերիկյան ԶԼՄ-ներին:
Դրամական փոխհատուցման պահանջով հայցը՝ մարդկանց մահվան ու խմելու ջրի մատակարարման կապակցությամբ, ներկայացվել է Նյու Յորքի դաշնային դատարան:
Հայցվորները կարծում են, որ ամերիկյան դատարանը ՄԱԿ-ին պատասխանատու կճանաչի Նեպալից խաղաղապահներ ուղարկելու մեջ, որոնց տեղացիները համարում են հիվանդության առաջացման աղբյուր:
Առողջապահության համաշխարհային կազմակերպության տվյալներով՝ խոլերան ընդհանուր առմամբ ազդել է մոտ 700 հազար հայիթցիների վրա ու խլել մոտ 8.4 հազար մարդու կյանք:
2013թ. փետրվարին ՄԱԿ-ը հերքել էր իր հասցեին համանման խմբակային հայցը:
