Ամերիկացի կինոռեժիսոր Քվենթին Տարանտինոն ասել է, որ ստիպված էր «Մի անգամ Հոլիվուդում» ֆիլմից որոշ տեսարաններ կտրել, սակայն նա կարող է ժապավենի ընդլայնված տարբերակը թողարկել:
Նրա խոսքերով, կտրված տեսարաններում նկարահանվել են դերասաններ Թիմ Ռոթը, Ջեյմս Ռեմարը, Ջեյմս Մարսդենը և Դենի Սթրոնգը: Միևնույն ժամանակ, Կաննի կինոփառատոնում ներկայացված ֆիլմի տարբերակը 2 ժամ 39 րոպե տևողություն ուներ, հաղորդում է Slash Film-ը: «Ես կարող եմ ֆիլմի տևողությունն ավելի երկար դարձնել: Ես այլևս ոչինչ չեմ կտրելու, բայց կարող եմ ինչ-որ բան ավելացնել»,- ասել է Տարանտինոն:
Ավելի վաղ հաղորդվել էր, որ «Մի անգամ Հոլիվուդում» ֆիլմում նկարահանված շունը Կաննի կինոփառատոնի մրցանակ է ստացել: Կաննի կինոփառատոնի գլխավոր մրցանակին է արժանացել հարավկորեացի ռեժիսոր Պոն Չժուն Հոի «Parasites» ֆիլմը: Կաննում Տարանտինոն մնաց առանց մրցանակների: