Այսօր Երևանի Ավան և Նոր Նորք վարչական շրջանների ընդհանուր իրավասության դատարանը՝ Դավիթ Գրիգորյանի նախագահությամբ, որոշեց փոխել Ռոբերտ Քոչարյանի խափանման միջոց կալանքը՝ անձնական երաշխավորությամբ: Հարցով անձնական երաշխավորություն էին ներկայացրել Արցախի գործող և նախկին նախագահներ Բակո Սահակյանը և Արկադի Ղուկասյանը։
Փաստաբան, Մարտի 1-ի գործով Փաստահավաք խմբի անդամ Սեդա Սաֆարյանը, «Առաջին լարտավական»-ի հետ զրույցում, անդրադառնալով դատարանի որոշմանը, նշեց, որ Հայաստանում արդարադատությունը հիվանդ է, և հիվանդ արդարադատությանը այս կարգի գործ վստահել չես կարող այն տեսանկյունից, որ այն դատավորները, որոնք քննում են այս գործերը, նշանակվել են հին իշխանությունների օրոք և ավանդական կապերով կապված են միմյանց հետ և շատ շահագրգիռ են, որ Ռոբերտ Քոչարյանը կամ ազատության մեջ հայտնվի, կամ էլ նրա գործը ձախողվի։
«Ես դեռ նախաքննության ընթացքում եմ հայտարարել, որ եթե հաջող նախաքննություն էլ լինի, բայց դատաքննությունն կուղեկցվի շատ անարդար, կողմնակալ որոշումների կայացմամբ։ Սա դրանցից մեկն է, որովհետև Ռոբերտ Քոչարյանը շարունակում է մնալ այն անձնավորությունը, որ կթաքնվի քննությունից և ունի այդ հնարավորությունը, թողնել Հայաստանը և հեռանալ Ղարաբաղ իրեն երաշխավորած անձանց կողքին նստել և ասել՝ չեմ գալիս, էստեղից էլ ասեն, որ չեն կարողանում ապահովել նրան դատական նիստին և կարող է անօրինական ազդեցություն գործել այն անձանց նկատմամբ, որոնք նախաքննության ընթացքում ցուցմունք են տվել։ Էլ չեմ ասում, որ վտանգված է նաև շատերի կյանքը, ես վստահ եմ դրանում»,-հավելեց փաստաբանը։
Սեդա Սաֆարյանը երկու փաստարկ նշել․ «Նախ՝ դատարանը մեզ՝ տուժողի ներկայացուցիչներին, զրկեց դատարան ներկայանալու և մեր դիրքորոշումներն արտահայտելու հնարավորությունից։ Վահե Գրիգորյանի հետ կապված դատավորը, չգիտես ինչպես, ՍԴ-ի որոշումը մեկնաբանեց և գտավ, որ նա չի կարող կարծիք հայտնել այս ամնենի կապակցությամբ, օգտվել իր խոսքից։։
Փաստաբանի խոսքով՝ արդեն կանխատեսելի էր, որ դատարանը չի ուզում, որ հավասար պայմաններ ստեղծվի և տուժող կողմը կարողանա ներկայացնել ամբողջական փաստարկներ։ Մյուս կարևոր հանգամանքը, որը նույնպես անտեսեց դատարանը, փաստաբանի խոսքով, դատական նիստը սկսվելուն պես փաստաբան Ալումյանի հիմնական շեշտադրումն էր, թե դատավորը գործի նյութին չի ծանոթացել, ինչպես է կալանքի հարցը լուծում։
«Հիմա այդ նույն հարցը տալիս եմ՝ եթե 76 հատոր գործին չի ծանոթացել, փաստարկներին չի ծանոթացել, ինքն ինչպե՞ս կարողացավ գտնել, որ Քոչարյանի ազատության մեջ մնալը կարող է չխոչընդոտել այս գործի արդար դատաքննությանը։
Դատավորը իր այս քայլով հուշեց, որ վտանգված է իր կողմից այս գործի օբյետիվ քննություն ունենալու հնարավորությունը»։
Սեդա Սաֆարյանը վստահ է՝ այս ակտի հետ անհամաձայնություն կունենա մեղադրանքի կողմը և բնականաբար բողոք կբերի։
Դատական համակարգը, ըստ նրա, բարձիթողի վիճակում է, որևէ բան դատական համակարգում չի փոխվել, նախկինների հետ համագործակցած, երկրին այս կարգի ցավ պատճառած մարդիկ են։
Լուսանկարը՝ Armeniasputnik-ի
