«Մամուլի հետ սուրճ» հաղորդման մայիսի 16-ի հյուրը «Հետք»-ի լրագրող Տիրայր Մուրադյանն է։
Մեր զրուցակիցն անդրադարձավ Արցախի ներկա և նախկին նախագահների դատարանում Քոչարյանի համար երաշխավորագիր ներկայացնելու հանգամանքին և նշեց.«Նրանք Ռոբերտ Քոչարյանին որպես ի՞նչ են ընկալում, որ գալիս են երաշխավորագիր ներկայացնեն, որպես Արցախի հերո՞ս, թե՞ Ռոբերտ Քոչարյան քաղաքական կերպար։ Եթե արցախյան պատերազմում ավանդ ունենալու համար են գալիս, ապա ինչու՞ Մանվել Գրիգորյանի համար երաշխավորագիր չներկայացրեցին, ինչու՞ Սամվել Բաբայանի ու Ժիրայր Սեֆիլյանի համար դա չարեցին։Եթե տարանջատում են՝ ավել կամ պակաս կռված, դա բոլորովին այլ հարց է, բայց եթե արցախյան պատերազմում ավանդ ունեցողի համար են երաշխավորում, ապա այն դեպքում ինչու՞ չէին անում։ Տպավորություն է, որ Ռոբերտ Քոչարյան քաղաքական կերպարին են երաշխավորում»։
Տիրայր Մուրադյանն ընդգծեց.«Իրենց դիրքորոշումը լրացուցիչ պարզաբանման կարիք ունի։ Բայց ընդհանուր առմամբ՝ այնպիսի քրեական հեղինակությունների համար են երաշխավորել, որ բոլորովին զարմանալի չէ։ Բայց այս պրոցեսը բնական չէ այնքանով, որ գիտենք, թե ում հետ գործ ունենք և թե ինչ մասշտաբի գործ է»։