Ամերիկյան Dragon տիեզերանավը Միջազգային տիեզերակայան կուղևորվի մարտի 16-ին՝ իր հետ տանելով մոտ 2.5 տոննա սնունդ, առաջին անհրաժեշտության իրեր և նյութեր՝ գիտական փորձերի համար: Այս մասին հայտնում է ITAR-TASS-ը:
Ինչպես հայտարարել է NASA-ն, արձակումը կկատարվի Falcon 9 հրթիռակրով՝ Ֆլորիդայում տեղակայված ամերիկյան ռազմաօդային ուժերի բազայից:
Մեկնարկը կտրվի տեղական ժամանակով 04:41 -ին (Երևանի ժամանակով 12:41 -ին): Եթե հանգամանքների բերումով արձակումը տեղի չունենա, կրկնակի փորձը կնախաձեռնվի հաջորդ օրը:
Dragon-ը կվերադառնա ապրիլի կեսերին: Այն Երկիր կբերի ավելի քան 1.5 տոննա բեռ, այդ թվում՝ գիտական փորձերի արդյունքներ և սարքավորումներ:
