Gazeta.ru-ի փոխանցմամբ՝ Վրաստանի նախագահ Միխեիլ Սաակաշվիլիի որդի Էդվարդը գերազանցել է աջ ձեռքի ու անգլերեն այբուբենի գործածմամբ iPad-ով հավաքելու արագության Գինեսի ռեկորդը։
Այսօր հատուկ այդ նպատակով Բաթում ժամանած Գինեսի ռեկորդների գրքի ներկայացուցիչները պաշտոնապես գրանցել են նոր ռեկորդ՝ 5.26 վայրկյան, ինչը 1.5 վայրկյանով ավելի արագ է, քան մինչ այդ բրիտանացի դեռահասի ցույց տված ռեկորդային արդյունքը։
Սաակաշվիլիի 15-ամյա որդին հայտարարել է, որ այդպիսի արդյունքի հասնելու համար նա ստիպված է եղել երկար մարզվել։ Ընդ որում՝ նա խոստանում է հետագայում գերազանցել չինական այբուբենի գործածմամբ ռեկորդը։
Գինեսի ռեկորդների գրքի ներկայացուցիչը լրագրողներին հայտնել է, որ ռեկորդի գերազանցման համար Էդվարդ Սաակաշվիլին ուներ երեք փորձի իրավունք, սակայն նրան հաջողվել է ռեկորդը գերազանցել առաջին փորձից։
