Իսպանիայի ՆԳ նախարար Խորխե Ֆերնանդես Դիասը հայտարարել է, որ Սեուտում և Մելիլյեում ապօրինի ներգաղթի հետ կապված խնդիրները լուծելու համար անհրաժեշտ է ԵՄ-ի «անհապաղ» օգնությունը 45 մլն եվրոյի չափով: Այս մասին հաղորդում է RTVE հեռուստառադիոընկերությունը:
Ներքին գործերի եվրահանձնակատար Սեսիլյա Մանսթրեմի հետ հանդիպման ժամանակ ներքին գործերի նախարարը վերոնշյալ խնդիրները հարթելու համար ԵՄ-ից «անհապաղ» օգնություն է խնդրել:
Նախարարը նշել է, որ 45 մլն եվրոն կծախսվի այնպիսի «անհապաղ և անհրաժեշտ» նախագծերի վրա, ինչպիսին սահմանային պատնեշներն ամրացնելը և ներգաղթյալների ժամանակավոր կացարաններն ընդլայնելն է: Գումարի մի մասը կտրամադրվի Մարոկոյի հետ համատեղ սահմանների պահպանության գործողությունների համատեղ կոորդինացմանը, ինչպես նաև երկու կողմերից վերահսկողության համակարգը կատարելագործելուն:
Նախարարի կարծիքով`Եվրամիությունում ապօրինի միգրացիային ուշիուշով հետևում է այդ միջոցով գումար վաստակող մաֆիան: Այն ակտիվանում է` հասկանալով, որ վաղը կարող է ուշ լինել:
