Բունդեսլիգայի պաշտոնական կայքն անդրադարձել է Դորտմունդի «Բորուսիա»-ի և Հայաստանի հավաքականի կիսապաշտպան Հենրիխ Մխիթարյանի ցուցադրած խաղին` «Նյուրնբերգ»-ի դեմ հանդիպմանը:
«Չնայած այն կախարդանքին, որը ցուցադրում էր Մխիթարյանը, նա ոչ մի կերպ չէր կարողանում գրավել մրցակցի դարպասը։ Մխիթարյանի կատարած փոխանցման շնորհիվ Ռոբերտ Լևանդովսկին գլխավորեց Բունդեսլիգայի ընթացիկ մրցաշրջանի լավագույն ռմբարկուների ցուցակը՝ խփելով 15-րդ գոլը»,- գրում է կայքը:
«Շաֆերը բազմաթիվ հիանալի սեյվեր կատարեց, սակայն ես երբեք չեմ հանձնվում և վստահ էի, որ այսօր կկարողանամ գոլ խփել»,- հանդիպումից հետո ասել է 25-ամյա կիսապաշտպանը։
Հիշեցնենք, որ «Նյուրնբերգ»-ի դեմ խաղում Հենրիխը նաև գոլի հեղինակ է դարձել՝ 6-րդ գոլը խփելով Բունդեսլիգայում։
