Միանգամից մի քանի բարձրաստիճան գեներալներ հրաժարականի դիմումներ են ներկայացրել: Այս քայլի պատճառ են հանդիսացել, ըստ գեներալների, գլխավոր շտաբի ղեկավար Նիկոլայ Մարկովի կողմից իրականացվող բարեփոխումները:
Независимая газета-ն պարզել է, որ հրաժարական ներկայացրած գեներալների թվում են օպերատիվ կառավարման գլխավոր վարչության ղեկավար, գլխավոր շտաբի ղեկավարի տեղակալ, գեներալ-լեյտենանտ Անդրեյ Տրետյակը, գլխավոր շտաբի կառավարիչ, ցամաքային զորքերի ղեկավարի առաջին տեղակալ, գեներալ-լեյտենանտ Սերգեյ Սկոկովը, ռադիոէլեկտրոնային պաշտպանության վարչության ղեկավար, գեներալ-մայոր Օլեգ Իվանովը և այլն:
Թերթին ՊՆ բարձրաստիճան մի սպա ասել է, որ գեներալներին դուր չեն գալիս այն մեթոդները, որոնք կիրառում է գլխավոր շտաբի պետը բարեփոխումներն իրականացնելիս: Աղբյուրը հաղորդել է, որ պաշտպանության նախարար Անատոլի Սերդյուկովից նրանց դժգոհ չեն: Մակարովը նշանակվելուց ի վեր չի կարողացել լուծել մի շարք կարևոր խնդիրներ, այդ թվում՝ շտաբի աշխատանքի հիմնական ուղղությունները:
Պաշտպանության նախարարության աղբյուրների համաձայն, այս հրաժարականները, անշուշտ, ունենալու են քաղաքական հետևանքներ: Որոշ տվյալներով՝ հրաժարական տված գեներալները խնդրել են հանդիպում ՊՆ-ի բարձրաստիճան ղեկավարության հետ այս հարցը քննարկելու համար:
Պաշտոնապես հրաժարականների դիմումներ ներկայացնելու տեղեկությունները չեն հաստատվել: