«Ցեղասպանության ճանաչումը երբեք չպետք է լինի Հայաստանի արտաքին դիվանագիտության անկյունաքարը»,- Ծիծեռնակաբերդում «Առաջին լրատվական»-ի հետ զրույցում ասաց ՀԱԿ փոխնախագահ Արամ Մանուկյանը:
Նրա խոսքով՝ Ցեղասպանության ճանաչումը ամբողջ հայության, Սփյուռքի խնդիրն է. «1990թ. օգոստոսի 23-ի հռչակագրով ֆիքսված է հետևյալը. ՀՀ-ն սատարում է Ցեղասպանության ճանաչման գործընթացին»:
Նա ընդգծեց, որ Ցեղասպանությունը ճանաչող ցանկացած երկիր ելնելու է իր շահերից, ոչ թե Հայաստանի, և տվյալ երկրում սփյուռքահայության ազդեցությունից. «Որքան ուժեղ է տվյալ երկրում Սփյուռքը, այնքան հավանական է, որ տվյալ երկիրը կճանաչի Հայոց ցեղասպանությունը: Այսինքն՝ Հայաստանի իշխանությունների դերը այս առումով դոմինանտ չպետք է լինի, Հայաստանի Հանրապետությունը ընդամենը պետք է լինի սատարողը, աջակցողը»:
Առավել մանրամասն՝ տեսանյութում:
