Բելառուսի առաջնորդ Ալեքսանդր Լուկաշենկոն առաջարկել է նախարար նշանակել միայն բազմազավակ անձանց, հաղորդում է «ՌԻԱ Նովոստին»:
Լուկաշենկոն հայտարարել է, որ Բելառուսում անհրաժեշտ է բարելավել ժողովրդագրական ցուցանիշները: Նա երկրում իրավիճակի փոփոխության համար գաղափարներ է առաջարկել:
«Չունես երեք կամ… չորս երեխա՝ չես կարող նախարարի կամ էլի ինչ որ պաշտոն զբաղեցնել»,- հավելել է Լուկաշենկոն:
Լուկաշենկոն նաև ասել է, որ չի հասկանում, թե հոգևորականներն ինչու երեխաներ չունեն:
«Դե, պետք է ինչ-որ կերպ եկեղեցին բարեփոխել, նորմալ չէ, երբ մարդը ընտանեկան արժեքներ է քարոզում, իսկ ինքն ընտանիք չունի, քանի որ եկեղեցին արգելում է նրան ընտանիք ունենալ»,- եզրափակել է Լուկաշենկոն:
Ավելի վաղ Լուկաշենկոն ռուսաց լեզուն Բելառուսի պետական լեզու է անվանել: