Անգլիայի Դոնկաստեր քաղաքի լճում մահացած պիրանիա են բռնել, որը ենթադրաբար բադեր է կերել՝ տեղեկացնում է The Yorkshire Post-ը։
Դեյվի և Լիզա Հոլմս զույգը լճափին զբոսնելիս նկատել է ջրի մակերեսին լողացող ձկանը։ Նրանք միանգամից չեն հասկացել, թե դա ինչ ձուկ է։
Ուշադիր ուսումնասիրելուց հետո նկատել են, որ ձկան բերանի խոռոչում մի քանի սուր ատամնաշար կա։ Երբ համացանցում նրանք փնտրել են նմանատիպ կենդանու մասին տեղեկություն, զարմացել են, որ Դոնկաստերում նման ձուկ կա։ Նրանք ենթադրում են, որ դա հավանաբար ինչ-որ մեկի տնային ձուկն է եղել, որ լիճն է գցել։
Տեղացիները նշել են, որ 1 օր առաջ լճից անհետացել են մի քանի բադեր, ենթադրում են, որ հենց այդ գիշատիչ ձուկն էլ կերել է նրանց։