Bloomberg գործակալությունը ներկայացրել է «աշխարհի ամենադժբախտ տնտեսությունների» վարկանիշը: Այն կրկին գլխավորում է Վենեսուելան:
«Դժբախտ» տնտեսությունների վարկանիշում արտացոլվում է ինֆլյացիայի մակարդակը և գործազրկության կանխատեսումը երկրում: Ըստ ամենամյա Bloomberg Misery Index-ի, Կարակասն արդեն հինգերորդ անգամ գլխավորում է վարկանիշային ցանկը:
Վենեսուելայի կառավարությունը 2016թ.-ից տնտեսական տվյալներ չի հրապարակում: Սակայն Bloomberg-ի փորձագետները ենթադրում են, որ 2019թ.-ին երկրում ինֆլյացիան կհասնի 8 միլիոն տոկոսի: 2018թ.-ին ինֆլյացիան գնահատվել է 930 հազար տոկոս:
«Դժբախտ» տնտեսությունների տասնյակում են նաև Հարավային Ամերիկայի երկրներից Արգենտինան, Ուրուգվայը, Բրազիլիան: Չորրորդ տեղում է Թուրքիան, իսկ վեցերորդ տեղը զբաղեցնում է Ուկրաինան՝ 17.3 տոկոս ինֆլյացիայով:
«Ամենաերջանիկ» տնտեսությունների վարկանիշային ցանկը գլխավորում է Թաիլանդը, Շվեյցարիան երկրորդ հորիզոնականում է, իսկ երրորդ տեղը կիսում են Սինգապուրը և Ճապոնիան:
