Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
ԱԺ «Իմ քայլը» խմբակցության ղեկավար Լիլիթ Մակունցը նշեց. «Այն, ինչ ներկայացնում է «Լուսավոր Հայաստանը», այլընտրանքային մոդելի նախագիծ է, որի իրավունքը Սահմանադրությամբ մենք չունենք. սա իրատեսական չէ»:
Ինչ վերաբերում է ԱԱԾ-ին և Ոստիկանությանը, Մակունցը նշեց, որ այս նախագիծը չի վերաբերում ԱԺ-ի վերահսկողության գործիքները ավելացնելուն: «Այստեղ խնդիրն այն է, որ մենք, իհարկե, ցանկություն ունենք, որպեսզի նրանց աշխատանքները դառնան ավելի հրապարակային», – ասաց Մակունցը։
Նա առաջարկեց միասին՝ ընդդիմության և իշխանության պատգամավորներով մշակել նախագիծ, որով ԱԱԾ-ին և Ոստիկանությանը պարբերաբար կհրավիրեն ԱԺ՝ հարցուպատասխանի։
Մանրամասները՝ տեսանյութում: