Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Իմ քայլը» խմբակցության պատգամավոր Արմեն Փամբուխչյան հայտարարեց. ««Լուսավոր Հայաստանը» ներկայացնում է, թե ինչպես է պատկերացնում կառավարումը, բայց մենք պետք է չմոռանանք, որ այսօր այլ կուսակցություն է իշխում, և նա պետք է ներկայացնի, թե ինչպես է պատկերացնում՝ ինչ կառուցվածքով կկարողանա կառավարել երկիրը»:
Նա զարմանալի է համարում, որ ԱԺ-ում է խոսվում կրճատումների մասին:
Պատգամավորի կարծիքով՝ հավաքագրող մարմինը՝ ՊԵԿ-ը, և վճարումներ իրականացնող մարմինը պետք է տարբեր լինեն. «Ի վերջո կա պատասխանատվության հարց՝ կառավարությունն է ստանձնել պատասխանատվությունը, և մենք պետք է հասկանանք և սպասենք, թե ինչ օգուտ տվեց: Իսկ հիմա վաղաժամ մենք անում ենք բացասական եզրակացություն»:
Մանրամասները՝ տեսանյութում: