Այսօր՝ ապրիլի 16-ին, Ազգային ժողովը սկսել է 7-րդ գումարման երկրորդ նստաշրջանի աշխատանքները:
Այժմ քննարկվում է «Լուսավոր Հայաստան» խմբակցության կողմից ներկայացված՝ Զինվորական ծառայության և զինծառայողի կարգավիճակի մասին օրենքում փոփոխություն կատարելու մասին օրենքի նախագիծը:
Ինչպես ներկայացրեց խմբակցության պատգամավոր Տարոն Սիմոնյանը՝ «Մենք նախատեսում էինք զինծառայության ավարտից հետո զինծառայողների պարտադիր բուժզննության անցկացում, որի ընթացքում ի հայտ կբերվեր պատճառահետևանքային կապը, թե ինչ հիվանդություններ են առաջացել զինծառայության ընթացքում կամ դրա պատճառով, և պետությունը կպարտավորվեր հոգ տանել համապատասխան բուժզննության և բուժման ծախսերը»:
Նրա խոսքով՝ ֆինանսական ծախսերը կարող էին ապահովել 1000 դրամների հիմնադրամից: Կառավարությունը բացասական եզրակացություն է տվել օրենքի նախագծին, սակայն ինքն է նմանօրինակ նախաձեռնություն որոշել ներկայացնել. «Այսինքն՝ մենք միտքը տալիս ենք, և կառավարությունը մեր առաջարկած նախագիծը ներկայացնում է կառավարության որոշման մակարդակի: Սակայն իրավունքներ և պարտականություններ սահմանող իրավական փաստաթղթերը չեն կարող լինել կառավարության մակարդակի, դրանք պետք է լինեն օրենքի մակարդակի»:
Մանրամասները՝ տեսանյութում:
