Լուրեր
Քաղաքական մունդռիկություններ. հատուկ ծառայությունները պետք է զբաղվեն այդ հարցով. Անդրանիկ Քոչարյան
  • 19:21
  • 2019-04-12
  • Դիտումներ՝ *

«27-ի հետ կապված, որպես մեղադրանք, ես միշտ հնչեցրել եմ Ռոբերտ Քոչարյանի ուղղությամբ այն մասով, որ երբեւիցե մեզ համար հասկանալի չի եղել պարոն Ռոբերտ Քոչարյանի եւ պարոն Նաիրի Հունանյանի՝ այդ օրը հանդիպման ե՜ւ դրդապատճառը ե՜ւ քննարկված նյութը»,-լրագրողների հետ զրույցում այսօր ասաց ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը: Նրա խոսքով, ինքը կցանկանար, որպեսզի այդ հանգամանքի ուսումնասիրությունը դառնա հոկտեմբերի 27-ի բացահայտման թեմա. «Բայց, որ առանց հիմքի, մեղադրենք ինչ-որ կառույցների կամ ինչ-որ երկրների, ընդհուպ մինչեւ նախագահների, դա պարզապես սուտ է եւ մի նպատակ է հետապնդում՝ փչացնել հայ-ռուսական հարաբերությունները ռազմավարական մակարդակի վրա, որը, պարզապես, չի ստացվի: Չի ստացվի այն պարզ պատճառով, որ մեր երկիրը շատ լավ հասկանում է անվտանգության առումով դրա կարեւորությունը: Այս պահին որեւէ հիմք գոյություն չունի որեւէ մեկի կողմից՝ նման անհեթեթ եզրակացություն անելու համար»:

  • Դիտումներ՝ *