Կանադայում 6.8 հազար ուսանողներ ենթարկվել են կարգապահական նկատողության՝ 2011-2012 ուստարում քննություններ հանձնելիս խաբեության դիմելու համար: Այս մասին հայտնել է CBC հեռուստաընկերությունը, որը համապատասխան հետազոտություն է անցկացրել 54 համալսարաններում:
Պատժված ուսանողների թվով առաջին տեղում է մայրաքաղաքային Կարլտոնի համալսարանը՝ 607 դեպք: Ամենատարածված խաբեության տեսակը գրագողությունն է՝ 50%, հուշումները՝ 22%, թեստեր գրելիս խաբեությունների դիմելը՝ 10%: Որոշ ուսանողներ (3%) գրավոր աշխատանքները փոխանցել են ընկերներին:
Ուսանողների նկատմամբ առավել հաճախ կիրառվող միջոցը գնահատականների իջեցումն է և ուսումնական հաստատությունից ժամանակավոր հեռացումը: